Thursday, October 12, 2006

北韓核試,真的瞎了嗎?

美國攻打伊拉克,一直口口聲聲是要解除伊拉克的核武,然而,坊間一直有種幽默的說法,就是伊拉克因為沒有核武美國才放膽出兵!

自伊朗同北韓被列為邪惡軸心國後,美國一直用各種方法恐嚇,但一直沒有動武。今次北韓核試成功,美國未動一兵一卒,間接印證了伊拉克之所以被攻打的底因。你可能會說伊拉克有石油嘛!但係,伊朗冇咩?又唔見美國打?我反而認為伊朗同北韓被世界孤立,好可能已經連成一線,北韓有核武,伊朗又點會冇?況且,兩國都比鄰前蘇聯,要核原料冇咩咁難。

除非伊朗同北韓想同美國同歸於盡,否則唔會隨便用核武開片。美國方面,記憶所及自90年代海灣戰爭以來,同人開片都係吃虧多,相信唔會輕舉妄動,而且總統選舉又就快到,相信美國唔會冒大風險去打交。況且,北韓一直都係中國身邊隻甩繩馬騮,世人認同中國有責任要管住佢。北韓玩嘢,最大壓力嘅應該係中國,今次中國態度強硬,總算識做,美國樂得不費一兵一卒,來個以夷制夷。所以,一切維持原狀,美國唔郁,北韓同伊朗都唔郁,大家繼續鑽空子爭取政治籌碼。

近排d油價同金價對北韓嘅小動作冇咩反應,似乎在反映這種殭持不下的局面短期内不會被打破。

Monday, October 09, 2006

糜糜之音

今晚夜涼如水,我一如以往,扭開收音機,聽rthk2,飄來糜糜之音。

聽下聽下,有Shindler's List,Bach的Minuet,Amazing Grace,梁祝...,仲有好多靚歌,由小提琴奏出,最正都係呢首:

每當變幻時
懷緬過去常陶醉 一半樂事一半令人流淚
夢如人生 快樂永記取 悲苦深刻藏骨髓
韶華去 四季暗中追隨 逝去了的都已逝去
常見明月掛天邊 每當變幻時 便知時光去
懷緬過去常陶醉 想到舊事歡笑面常流淚
夢如人生 試問誰能料 石頭他朝成翡翠
如情侶 你我有心追隨 遇到半點風雨便思退
呵... 常見紅日照東方 每當見夕陽便知時光去

不容錯過:2000靚歌再重聚

Saturday, October 07, 2006

股市作業者不鼓勵長揸

上個月宏利(945)派息,約有$120。自從用恒生銀行網上買賣股票近3年以來,我一直都沒有細心查看銀行的statement,神推鬼拱之下細看,發現原來$120息有$30送了給稅局,又有$30送了給銀行,袋落袋的只餘下$60。心裏很不是味兒,把心一橫之下決定把股票提出來,自己做股票的主人。

過程非常曲折。首先要到銀行櫃位填表申請(現在大部分銀行服務都已經電子化,但股票實貨提取服務卻不能在網辦理,相信是銀行要設關卡讓股票留在銀行裏,以沾上散戶的利益),過數天後有銀行職員通知我到位於中環的恒生總行辦理提取手續。這個步驟是將股票的持有人由銀行轉做中央結算有限公司(CCASS),這時手上的股票持有人為CCASS。銀行收手續費$30。

之後的動作是要將股票拿到稅局那裏蓋免稅印。下一步是到Computershare辦理轉名手續,過程簡單,只不過股票要兩星期後才可取回,且不設郵寄服務。問題是,Computershare的辦公時間是星期一至五朝9晚4,稅局印花稅署就5點收工。即是要再請假去攞?

只不過是將股票從銀行裏提出來轉做自己的名義,居然要親身走遍銀行總行、稅局同Computershare,歷時接近3個禮拜,而且牽涉不少paperwork,在現今的電子世代實在有點不可思議。長揸咁麻煩,難怪大部分人都只願短炒。