咁就一年

今晚我同阿秀去咗沙田嘅寳軒食印度菜。我好鍾意食印度菜，比較有印象嘅包括寳軒、重慶大廈咖喱、西灣河咖喱(呢兩間都已經忘記了貴寳號的名字)，太子嘅亞郭咖喱(佢d咖喱好似係巴基斯坦咖喱)，仲有大家樂同大快活咖喱。我哋點咗個二人餐，食物非常豐富。

我最喜歡香燒雞，這道菜用鐵板上，雞肉似乎用炭燒過，在雞肉上灑上幾滴檸檬汁後，放入口中，那種原始的燶味只能用個香字來形容，久久不散。前菜是雜菜咖喱角，頗大份，足有四份三個拳頭大，做得不錯。仲有椰汁咖喱雞同焗茄子，兩道菜都很有水準，精髓在於那個汁中，食nan bread時點那椰汁咖喱，可充份體味那充滿洋蔥和香料的辣汁。焗茄子裏的茄子都溶化了，這道菜還混合了很多洋蔥，每啖都是新鮮蔬果的甜味，單吃或跟nan bread一起吃都不錯。還有咖喱魚，不過我同阿秀對魚都無興趣，所以不作評論。最後我喝了一柸Masala tea，阿秀就要了青檸梳打。最後結賬只是$188加一，即$206。付賬後袋裏只剩下一毫子，但肚子卻很滿足。

那裏的伙記都是印度人(應該是吧)，我哋都好欣賞佢哋嘅敬業態度同對食物嘅誠意，奈何店鋪位置較隱秘，所以客人不多(反而附近的Pizza Hut就有很多年輕人在等位)，有興趣不妨試試，在新城市廣場的西田樓下。

今日阿秀問我：「你鍾意我d咩呀？」我嬉皮笑臉曰：「你靚囉！」阿秀曰：「仲有呢？」我繼續嬉皮笑臉曰：「只有你才能接受到我成日做埋d白痴同低B嘅事。」回家途中，我在想，我何止白痴低B，又小氣，又挑剔，又孤寒，又成日以為自己好醒，又唔鍾意表達自己感情… …。咁嘅極品你都要，我都算幾好彩。

早兩個星期，散戶丙因為感冒菌入腸，痾到阿媽都唔認得，又成個禮拜冇食飯，真係瘦到無可再瘦。嗰陣日日喺屋企度「吽」，除咗諗起阿媽外，另一個最想念嘅女人就係老婆。雖然散戶丙仍然係個大男孩，見到靚女會唔捨得「斬」眼，但原來當男人到了最脆弱的一刻，最需要嘅係老婆，或者這是因為全世界只有佢可以接納你，這亦係每個男人應該珍惜眼前人的原因。

5月15日是我們的結婚一週年紀念日，這星期大家都很忙碌，難得今晚可以出來享受一頓美味的晚餐，實在值得記下來。